Fundacion Amigonan di Archivo
Fundacion Amigonan di Archivo (ADA) a wordo funda dia 30 di November 2005, cu e meta specifico di apoya e tareanan, actividadnan y promove mas conocimento di e departamento di Archivo Nacional Aruba.
Fundacion ADA tin como meta:
- organiza y apoya actividadnan promocional pa duna mas conocimento na Archivo Nacional Aruba como un centro di documentacion y informacion
- den forma material y immaterial sostene e trabounan y interes di archivo dor di adkiri subsidio y fondonan pa apoya y sostene exposicionan, workshops, lectura y otro evenementonan
- adkiri y financia compranan special pa asina enrikece e coleccion, actanan bieu y otro registronan pa promove e bista historico di nos pais riba tur tereno y pa haci y mantene esaki accessible
- pa promove y stimula investigacion, pa ordena e resultadonan di e investigacion y pa publica e fuentenan historico como resultado di e investigacion
- pa promove y stimula desaroyonan nobo riba tereno di archivo in general y en particular pa ofrece conseho riba guia y compra di material riba tereno di archivo y pa amplia e conocimento di e personal riba tereno di archivo y voluntarionan
Fundacion ADA ta yega su meta dor di:
- formanan legal, cu no ta contradici e meta di e Fundacion
- inicia, organisa of laga organisa actividadnan y projectonan pa stimula e maneho y uso di archivo
- forma directo of indirecto adkiri fondonan y material pa yega na e metanan stimula y locual cu tin relacion cu ne
- tene encuentronan informativo, publicacion di literatura, lecturanan, mustra film, video y dvd’s pa comparti conocimento adkiri di e archivo
- e uso optimal di e technologia di informacion y comunicacion
Statuut ADA
Proyectonan
Lista di proyectonan di aña 2005 – 2017
Publicacion y material produci
Fundacion Amigonan di Archivo conhuntamente cu otro financiador(nan) a yuda co-financia diferente publicacion di ANA y produci diferente material exponiendo e coleccion di ANA.
- Aruba den temp’i guera (publicacion)
- Aruba den temp’i guera (corant)
- Aruba den temp’i guera (buki di docente)
- Aruba den temp’i guera (buki di alumno)
- Aruba den temp’i guera (tegel di recuerdo)
- Aruba den temp’i guera (tayo di recuerdo)
- Registro di esclavo (publicacion)
- 20 aña di ANA (tegel di recuerdo)
- Calender 2006 – Piscadonan di Aruba
- Calender 2007 – Curiosonan di Aruba
- Calender 2009 – Cunukeronan di Aruba
Contacto
Fundacion Amigonan di Archivo
P/a Archivo Nacional Aruba
Sabana Blanco 60
Oranjestad
Aruba
Tel: (+297) 583-4880
Fax: (+297) 583-9275
Email: [email protected]
Facebook: amigonan di archivo
Donacion
Banco: Banco di Caribe # 825 25 001
Nomber: Fundacion Amigonan di Archivo
(Swiftcode Bank: BDCCAWAW)
