Loading Events

« All Events

  • This event has passed.

Fundacion ADA ta amplia su statutonan y haci cambio na su logo y directiva

November 29, 2017 - December 4, 2017

Fundacion ADA ta amplia su statutonan y haci cambio na su logo y directiva

Dia 30 di November 2005, Fundacion Amigonan di Archivo (ADA) a wordo funda cu e meta pa e.o. organisa y apoya actividadnan promocional pa duna mas conocemento na e trabou di Archivo Nacional Aruba, como un centro di documentacion y informacion. Alaves ADA ta pa sostene e trabou-, proyecto-, exposicion-, publicacion- y otro actividadnan cu ANA ta realisa pa duna mas conocimento di e trabou importante cu ANA ta eherce.

Recientemente, ADA a haci algun cambio den su statutonan, pa asina duna mas acogida na e trabou sumamente importante cu e fundacion ta eherce. E parti di e statutonan cu a wordo amplia ta riba e tereno di archivo, esta pa no limita su mes na archivonan di gobierno, sino pa haci esaki mas general y mescos riba e tereno di herencia cultural immaterial y pa duna su contribucion na e dianan nacional. ADA ta sostene e metanan y proyectonan riba e tereno aki den forma material y/ of immaterial. ADA cu e sosten di financiadornan por sigui eherce mas proyecto riba e tereno, pa stimula desaroyo nobo y mas investigacion y brinda e posibildad di duna cursonan riba tereno di archivo.

E logo di ADA tambe a wordo rediseña. E logo nobo ta simbolisa e aspectonan cu e fundacion ta para pe. E logo ta den forma di un strea di Aruba, forma di man cu ta tene na otro. E man cu ta tene otro ta representa e 4 unidadnan, consistiendo di e fundacion ADA, Archivo Nacional Aruba, e comunidad di Aruba y e sostenedornan/financiadornan. E colornan ta color blauw di bandera ta e simbolisa e fundacion, e color cora Bordeaux ta e color di ANA, e color berde e financiadornan y color oro ta simbolisa e comunidad di Aruba. Hunto ta yega na e exito di e trabou di e fundacion.

Mientrastanto e directiva di Fundacion ADA a conoce cambio y ta consisti awor di, e presidente: Eric Koolman, secretario: Shakira Croes, tesorero: Cherhen Ooft y miembronan: Maritsa Bremo, Edric Croes, Nilda Koolman y James Oduber.

Durante e añanan Fundacion ADA a haya un sosten sea financiero y of di material di diferente persona – y instancianan local y internacional. Fundacion ADA kier a gradici tur pa e sosten y confiansa. Tambe Fundacion ADA kier a gradici tur e personanan cu den e ultimo 12 añanan a forma parti di e directiva, pa cual fundacion ta hopi agradecido. Mescos tambe na tur e voluntarionan y e empleadonan di ANA cu den transcurso di aña a yuda e fundacion den un forma of otro. Un danki y ta spera di por sigui conta riba e coperacion di semper.

Details

Start:
November 29, 2017
End:
December 4, 2017
Sitemap | Privacy Policy | Disclaimer