Presentacion di un coleccion di palabranan di antes poco uza

Archivo Nacional Aruba tin e grato placer di invita e comunidad di Aruba, especialmente esnan interesa den nos dushi idioma di Papiamento y historia di Aruba en general pa un presentacion.

E presentacion ta wordo duna dor di Sra. Lucia Kelly cu ta bai presenta un coleccion di palabranan di antes cu masha poco ta wordo uza. Cu e publicacion aki kier logra pa duna tur hende e oportunidad pa sera conoci cu un lista di palabra di antes poco uza awendia y duna e oportunidad pa reacciona riba e contenido y pa agrega palabranan pa asina yuda rescata mas tanto palabranan di antes.

E presentacion lo tuma lugar:

Dia: 9 augustus 2018
Ora: 7 or – 8 or pm
Lugar: Archivo Nacional Aruba

Nos ta spera di por conta cu bo(so) presencia pa asina nos sigui engrandece y contribui na nos idioma y cultura.