Loading Events

« All Events

  • This event has passed.

Archivo Nacional Aruba tin su propio website!

November 22, 2017 - December 2, 2017

Archivo Nacional Aruba tin su propio website!

Un deseo cu tabata existi pa basta tempo caba porfin a bira un realidad pa ANA.

Archivo Nacional Aruba ta digital y tin su propio website: www.ana.aw .

Archivo Nacional pa basta aña tabata accesibel online via die e website di gobierno (gobierno.aw), pero awor ta conta tambe cu un propio sitio online.

E website ta uno informativo, cu ta brinda e opportunidad na e bishitantenan pa sera conoci mas cu e departamento, trabounan cu e ta eherce y servicionan cu ta wordo brinda.

E coleccion di ANA ta ensera archivo den forma di documento, potret, material audio-visual y digital. Entre otro tin: archivo di gobierno, archivonan priva, coleccion di potret y audiovisual. En total ANA ta maneha y cuida, mas cu 15 kilometro di archivo, mas cu 1250 VHS y U-matic tapes y mas cu 100 mil potret.

Den un online-database riba e website e bishitantenan investigativo por haci nan investigacion den e coleccion di documentonan, potret y video. Tambe riba e website por haya un amplio splicacion di e servicionan cu ANA ta brinda, entre otro: investigacion genealogico, resumen di famia, investigacion archivistico, sala di studio y digitalisacion. Riba e website tambe tin e coleccion di investigacion y publicacion cu ANA a produci durante e añanan. E website tambe tin varios potret y un video cu ta mustra parti di e trabou di ANA.

Un potret cu mensualmente lo cambia a wordo yama “prenda di luna”, cu ta un potret di Aruba di antaño cu ta cambia tur luna. E potret ta hiba nos bek den tempo y ademas ta ensera un investigacion cortico di e contenido di e potret. E intencion di ANA ta pa sigui amplia e website cu mas di e coleccion. Tambe si por tin un of otro comentario riba e potretnan cu nos publica, esakinan ta welcome pa medio di [email protected].

E website a wordo prepara y hinca den otro pa medio di e personal di ANA mes, mientras cu e diseño di e website a wordo financia

pa Fundacion Amigonan di Archivo, pa cual ANA kier a gradici e fundacion pa e gesto aki.

Details

Start:
November 22, 2017
End:
December 2, 2017
Event Tags:
Sitemap | Privacy Policy | Disclaimer